Corre, corre cabaciña...

Aquí tedes a nosa magnífica exposición de cabaciñas, cabazas  e calacús. Os nosos pequenos artistas saben mellor que ninguén como converter unhas sinxelas cabazas en verdadeiras obras de arte.

E premendo aquí podedes ver todas as fotos.

Pam vai de visita

Esta fin de semana Pam está de visita na casa de Jose, farán un montón de cousas xuntos e o pasarán xenial. Seguro!!!

Preparando o Samaín

Estes días, no cole estamos argallando unha morea de cousas para festexar o Samaín.
Buscando contos de medo na Biblio do Checho, aprendendo cancións, decorando os corredores e as aulas... 

Este luns agardamos facer unha magnífica exposición coas cabazas que traiades decoradas de casa da maneira máis terrorífica e arrepiante posible.

E mentres chega a Noite dos Calacús aquí vos deixámos  a Uxía Lambona e a Banda Molona co seu "Samaín"

Proxecto "O meu nome"

O nome é o noso principal aceno de identidade.
Estes días, os Pequerrech@s de tres anos mergullámonos  no proxecto "O meu nome". Coa axuda das familias comezamos as investigacións en casa: quen nolo puxo ? por que o elixiu? que significa o noso nome?   

Con este proxecto iniciamos aos nenos á lecto-escritura partindo de algo tan significativo para eles como é o seu propio nome. Sen perder de vista a gran diversidade e niveis tan distintos que hai durante este primeiro curso de escolarización dos nenos e nenas de tres anos, eles conseguirán recoñecer o seu nome e as letras que o forman, serán capaces de escribilo sen necesidade de copialo da mostra e chegarán a coñecer os nomes doutros compañeiros da súa clase.

Proxecto "O noso corpo"

Na aula de 4 e 5 anos continúan co proxecto “O noso corpo”, investigando, aprendendo, xogando… Coas inestimables aportacións das familias, estes Pequerrech@s están coñecendo como somos por dentro e por fora da maneira máis divertida.

Máis información no blogue da Profe Belén.

24 de outubro, Día da Biblioteca

Hoxe reunímonos todo o cole na Biblio do Checho para celebrar o Día das Bibliotecas baixo o lema "Aprender a pensar coa biblioteca escolar"

Alí presentamos as nosas bibliotecas de aula

O novo proxecto documental integrado que desenvolveremos este curso "O meu amigo o robot" 

E entregáronnos as mochilas viaxeiras que con tantas ganas estabamos a esperar.

Os primeiros dos Pequerrech@s que poderán entreterse con elas son David, Manuel e Andrés. Agardamos que desfrutedes desta oportunidade de compartir en familia o pracer pola lectura. Non esquezades de botarlle un ollo ao tríptico que as acompaña e de coidar moito o material que conteñen. 
Desfrutade con elas!!!

Tedes as fotos aquí.

Máis árbores de outono!

Estes días entre todos os nenos e nenas do cole estamos a facer no corredor principal un precioso mural de outono. Os Pequerrech@s colaboramos enchendo de follas estas fermosas árbores. Os maiores de catro e cinco anos xa teñen un bo nivel de control da motricidad fina e picaron o contorno das follas. Os de tres anos ainda teñen que practicar un pouquiño para podelo facer así que simplemente as colorearon.

Mirade que lindas están a quedar!

Pam vai de visita

Pam volve visitar as casas dos nosos Pequerrech@s. Esta fin de semana comezará coñecendo á familia de David.
Seguro que o pasarán de marabilla!!!

Outono bonito, folliñas no chan...

...E tamén no corredor dos Pequerrech@s. Mirade que chulo quedou o noso mural coas follas decoradas que recollemos o outro día no patio do colexio.

 

Feliz aniversario Anxo!!!

Hoxe celebramos o aniversario de Anxo, que xa ten catro anos. 

Parabéns Anxo!!!

Xogamos coas TICs: O Lobo Matías

Esta semana na aula de 3 anos empezamos a utilizar o taboleiro dixital para xogar coas actividades interactivas  do Lobo Matías.

Podedes ver as fotos aquí.

O lobo Matías axuda a desenvolver habilidades lóxico matemáticas e tamén  a  percepción  espacial,  a  memoria  visual e  a  coordinación óculomanual.

Premede na imaxe e poderedes acceder as súas actividades.

Comezamos o préstamo de libros da Biblio do Checho

Os Pequerrech@s de 4 e 5 anos xa comezaron a empregar o servizo de préstamo de libros da Biblio do Checho.

No blogue da biblio podedes comprobalo:
http://dinamizacioncarballeira.blogspot.com.es/2017/10/prestamo-de-contos-infantil.html

Feliz aniversario Pablo!!!

Hoxe tivemos de aniversario a Pablo, que cumple xa catro anos e quixo celebralo cos seus compañeiros  agasallándoos cunhas lambetadas deliciosas.

Parabéns Pablo!!!

Chegou o outono!

Coa chegada do Outono empezamos a observar os cambios que se producen na nosa contorna: as árbores do noso patio están mudando as súas cores e xa caeron moitas follas.

Onte, os Pequerrech@s saímos ao patio a recollelas. 

Encantounos o triscar das follas secas, enredar e experimentar con elas.

 Pasámolo xenial!!!

Podedes ver as fotos premendo na imaxe.

Coñecemos a Biblio do Checho

Este venres os Pequerrech@s de tres anos fomos a coñecer un novo espazo do colexio, a Biblioteca, onde nos esperaba Checho, a mascota.

Descubrimos que é un lugar onde hai moitíiiiiisimos libros e aprendimos as súas normas: falar baixiño, non facer barullo, tratar con coidado os libros...
Despois lemos unha morea de contos...

...e despedímonos prometendo volver a semana que vén.

 

Exploramos o colexio

Os Pequerrech@s de tres anos non só estanse adaptando ás rutinas, compañeiros e mestres senón tamén aos espazos onde desenvolverán diferentes actividades.

Xa coñecemos a nosa aula e os sevicios...

O patio... 

O ximnasio...

E a biblioteca, mais iso merece  outra entrada, non si?

Proxecto Documental Integrado: "Meu amigo o robot"

Este curso mergullarémonos no mundo da robótica da man do noso pdi "O meu amigo o robot" pero os Pequerrech@s de 4 e 5 anos xa empezaron a dar os seus primeiros pasiños con Bee Bot, un simpático robot-abella.

Podédelo comprobar nesta ligazón
 https://aprofebelen.blogspot.com.es/2017/09/descubrimos-robotica.html