Polo Nadal.....Festival!!!

Que ben o pasamos no Festival de Nadal!

Chegou o momento de poñer en escea diante das mamás e papás, avoas e avós, irmás e irmáns, tías e tíos...as actuacións que durante tanto tempo levabamos preparando. Aquí tedes unha mostra do ben que o fixeron nosos Pequerrech@s.

Pero o momento máis esperado de toda esta festa foi a visita do rei Melchor. Mirade que facianiñas emocionadas descubrindo os agasallos.

Dende o blogue dos Pequerrech@s da Carballeira queremos desexarvos un moi feliz Nadal!
Vémonos o ano que ven!!! 

Tedes todas as fotos aquí. 

Buscando unha estrela

Este Nadal os Pequerrechos de 4 e 5 anos andaban "Buscando unha estrela" e parece que a mamá de Hugo atopouna a beira do mar.

Todos tivemos a oportunidade de poder observala tranquilamente e coñecer cousas moi interesantes sobre ela.

Grazas Hugo por achegárnola ao cole, foi unha exeriencia moi interesante!

A profe Laura ven de visital!!!

Hoxe levámonos unha magnífica sorpresa, a profe Laura veu visitarnos!
Tiña moitas ganas de vernos e aproveitou un oquiño na súa apretada axenda para achegarse ata o cole a saudarnos (e, de paso, agasallarnos cunhas lambetadas).

Moitas grazas profe Laura por esta visita tan agarimosa.

Feliz aniversario Eder!!!

Na aula dos maiores houbo celebración, Eder xa ten catro anos e quixo festexalo cos seus compañeiros.

Houbo festa rachada: cantaron, xogaron, fixeronlle un album de debuxos de agasallo, el repartiu lambetadas... e aquí tedes a proba
https://aprofebelen.blogspot.com.es/2017/12/cumple-de-eder.html 

Parabéns Eder!!!

Feliz aniversario Brais!!!

Este venres tivemos de aniversario a Brais que cumpre tres años.

Para celebralo trouxo unhas riquísimas galletas personalizadas para cada un de nós que fixo na súa casa cos seus papás. Estaban exquisitas! Moitas grazas!!! 

E para seguir coa festa, esta fin de semana convidou a Pam a súa casa. Seguro que o pasan de marabilla!

Parabéns Brais!!!

O Nadal peta á porta

Chegado o tempo do Nadal, todas as culturas occidentais teñen un home vello e sabio que lles axuda aos nenos a pasar o inverno. Este personaxe creado polo imaxinario colectivo ten como base a preocupación, nos tempos de escaseza e frío, polo benestar dos máis pequenos. Aparte dos universalmente coñecidos Papá Noel, Santa Claus ou San Nicolás, por aquí temos o Olentzero (País Vasco), o Tió de Nadal (Cataluña) ou o Esteru (Cantabria).

Sabedes cal é a personaxe da cultura galega? O Apalpador, que durante os anos de esquecemento sobreviviu nos montes do Courel e o Cebreiro e agora volve facernos compaña.

Velaquí a versión da cantiga tradicional do Apalpador nas voces de Malvela.

Outrosí temos "O Apalpador" do grupo Mamá Cabra adaptado á lingua de signos por AZ

Se queredes coñecer máis cousas sobre este simpatico personaxe premede na ligazón

https://www.apalpador.gal/quen-e-o-apalpador/

O Recuncho das Mochilas Viaxeiras

As mochilas viaxeiras seguen de familia en familia. Mirade que traballos máis fermosos nos achegan os nosos Pequerrech@s. A que son uns artistas!

Pam vai de visita

A semana pasada Pam visitou a casa de Thiago. Como foron moitos días deulles tempo de facer moitísimas cousas xuntos e Pam puido coñecer a toda a familia: a mamá, o papá, os avós, os tíos, as tías... Pasárono en grande!!!  

É tempo de Nadal

Xa está aquí o Nadal e os Pequerrech@s comezamos con todos os preparativos: estamos a decorar as nosas aulas e corredores e estamos a ensaiar as nosas interpretacións para o Festival de Nadal. 

Tamén elaboraremos, xunto cos compañeiros de primaria,  un mural no corredor principal polo que solicitamos a colaboración das familias para decorar os diferentes adobíos.  

E non vos esquezades de participar no Concurso de Postais de Nadal. Lembrade que a postal elixida, será a que empregaremos dende o colexio para felicitar as Festas a toda Comunidade Educativa.

E para ir animando o ambiente aquí deixámosvos estas panxoliñas para que cantedes e bailedes toda a familia.

 

Pam vai de visita

Onte Lucas convidou a Pam á súa casa. Seguro que pasan unha fin de semana inesquecible!

Feliz aniversario Dante!!!

Hoxe, na aula dos maiores houbo celebración. Dante cumpre catro anos e quixo celebralo con todos os compañeiros repartindo unhas chuches riquísimas.

 
Parabéns Dante!!!

Pam vai de visita

E Carmen tamén pasará unha estupenda fin de semana porque convidou a Pam a ir á súa casa para coñecer á súa familia, facer moitísimas cousas xuntas e divertirse un montón.

Mochilas viaxeiras: Athenea, Dante e Manuela

Hoxe tocoulles a Athenea, Dante e Manuela a quenda de levar a mochilas viaxeiras as súas casas. Esperamos que coas vosas familias desfrutedes de bos momentos de lectura compartida. 

Pam vai de visita

Mirade que contenta está Pam porque esta fin de semana estivo na casa de Manuela.

 Pam pásao fenomenal en casa dos nosos Pequerrech@s. A quen e tocará levala de visita a próxima vez?

Magosto na Carballeira

É tempo de Magosto e este venres, no cole, celebrámolo como ten que ser: castañas asadas, bocatas de chourizos á brasa, xogos populares, bo tempo... qué máis podemos pedir? Sen dúbida… que se repita!!! 

 

E aquí tamen podedes ver os traballos da exposición de Manualidades de Outono: piñas, follas de todas as cores, castañas, landras....todo vale. Menudos artistas!!! 

 

Moitas grazas familias polas vosas achegas!
Tedes as fotos premendo aquí.

Enquisa Uso do Galego

No blogue da biblio "O murmurio das palabras" tedes unha enquisa relacionada co uso da lingua galega na que se pretenden recoller datos co obxectivo de coñecer mellor os usos e as actitudes das familias cara á lingua, para axudarnos a orientar e programar, de xeito máis efectivo, as actuacións dinamizadoras do centro.
Podedes premer na imaxe para acceder ao formulario:

Visitamos a Biblioteca de Pontevedra

Hoxe estivemos de visita na Biblioteca pública de Pontevedra. 

Os monitores estiveron ensinándonos as diferentes zonas de lectura, de estudo, de películas ou música... 

Os libros: pequenos, grandes, de imaxes, táctiles, cómics, con pictogramas...

Deseguida contáronnos unha versión de "Onde viven os monstros"moi divertida.

Tamén tivemos un tempo para ver algúns dos libros que alí había.

E para rematar a visita estivemos na sala  de vídeo mirando unha película mentres esperabamos aos nosos compañeiros de primaria para volver ao autobus.

Pasámolo de marabilla!!!

Podedes ver as fotos aquí.

Mochilas viaxeiras: Jose, Pablo e Hugo

As mochilas viaxeiras estarán estes días nas casas de Hugo, de Pablo e de Jose. Esperamos que pasedes moi bos momentos con elas.

O recuncho das mochilas viaxeiras

Aquí está o recanto que temos adicado no noso corredor aos estupendos debuxos que fan dos seus contos favoritos @s nos@s Pequerrech@s coas suas familias. Parabéns! 

Hugo e os dinosauros

Este luns, os Pequerrech@s reunímonos na aula dos maiores porque Hugo tiña algo moi interesante que contarnos.
Días atrás estivo coa súa familia de viaxe por Asturias e visitou uns lugares fantásticos: as covas do Soplao e o Museo Xurásico.

As covas gustáronlle moito pero o Museo encantoulle. Contounos que o edificio tiña forma de pegada de dinosauro e puido ver reproducións de dinosauros de moitas clases, con pescozos longuísimos, con cornos, con ás,... réplicas de grandes esqueletos, pegadas fosilizadas e outros fósiles.
E ao acabar a visita os seus papás compráronlle unha cabeza de tiranosaurio  superdivertida.

Foi unha experiencia única! Moitas grazas Hugo por compartila.

Unha visita moi especial

Onte estivo no cole Marian, da Organización Nacional de Cegos Españois (ONCE)
Veu explicarnos como é o día a día dos nenos con discapacidade visual e  como utilizan outros sentidos como o tacto, o oído ou o olfacto para desenvolverse nas actividades cotiás.

Tapándonos os ollos cuns antefaces puidemos comprobar como poden recoñecer as cores por medio do olfacto.

Como len e escriben co sistema de escritura táctil Braille.

Mesmo como practican deportes con balóns sonoros que poden escoitar.

Tamén comprobamos como poden desprazarse utilizando un bastón branco que lles permite moverse entre os obstáculos. Ou como podemos guialos para desprazarse sen problemas. 

Moitas grazas Marian por esta visita tan  interesante!

Manualidades de outono

Xa estamos a recibir as vosas composicións para a exposición de manualidades de outono.

Animádevos, aínda estades a tempo de sorprendernos coas vosas creacións.

Feliz aniversario Evelio!!!

Hoxe, na aula dos pequenos, tivemos de aniversario a Evelio que xa ten tres anos.

Para celebralo fixemos unha coroa de aniversario, cantamos "Parabéns para ti" e "Cumpleaños feliz", bailamos,...e el agasallounos cunhas galletas que fixo na súa casa cos seus papás e que estaban deliciosas. Moitas grazas!!! 

 E como o pasamos tan ben, Pam quixo seguir a festa e por iso esta fin de semana estará na súa casa, coñecerá á súa familia e divertiranse un montón.

Parabéns Evelio!!!

Feliz Samaín!!!

Onte no cole, pasámolo de medo.
Desde ben cedo as nosas aulas enchéronse de bruxas, vampiros e monstros espantosos que non paraban de xogar, cantar, bailar e dar sustos terroríficos.

De contado os nenos e nenas de 1º viñeron contarnos un poema creado por eles mesmos para vencer os medos do Samaín.

Con tantas emocións tiñamos unha fame negra e axiña preparamos unha saborosa merenda. Os de tres anos encargáronse da bebida, zume de sangue de vampiro con vermes e arañas incluídas. Os de catro e cinco cociñaron unhas horribles arañas acompañadas de outros bechos e algunha que outra caveira.  Estaba todo boíiiiiiiiiiiiiiiiiiisimo!

Xa no tempo de recreo tamén puidemos degustar os petiscos que prepararon os maiores do cole con froitas e lácteos.

E para rematar esta xornada do Samaín, na Biblio do Checho tivemos a oportunidade de escoitar os relatos dos nenos e nenas que participaron no III Certame de Contos de Medo.

 
Foi unha mañá fantástica e tedes todas as fotos aquí para poder comprobalo!!!
FELIZ SAMAÍN!!!

Corre, corre cabaciña...

Aquí tedes a nosa magnífica exposición de cabaciñas, cabazas  e calacús. Os nosos pequenos artistas saben mellor que ninguén como converter unhas sinxelas cabazas en verdadeiras obras de arte.

E premendo aquí podedes ver todas as fotos.

Pam vai de visita

Esta fin de semana Pam está de visita na casa de Jose, farán un montón de cousas xuntos e o pasarán xenial. Seguro!!!

Preparando o Samaín

Estes días, no cole estamos argallando unha morea de cousas para festexar o Samaín.
Buscando contos de medo na Biblio do Checho, aprendendo cancións, decorando os corredores e as aulas... 

Este luns agardamos facer unha magnífica exposición coas cabazas que traiades decoradas de casa da maneira máis terrorífica e arrepiante posible.

E mentres chega a Noite dos Calacús aquí vos deixámos  a Uxía Lambona e a Banda Molona co seu "Samaín"

Proxecto "O meu nome"

O nome é o noso principal aceno de identidade.
Estes días, os Pequerrech@s de tres anos mergullámonos  no proxecto "O meu nome". Coa axuda das familias comezamos as investigacións en casa: quen nolo puxo ? por que o elixiu? que significa o noso nome?   

Con este proxecto iniciamos aos nenos á lecto-escritura partindo de algo tan significativo para eles como é o seu propio nome. Sen perder de vista a gran diversidade e niveis tan distintos que hai durante este primeiro curso de escolarización dos nenos e nenas de tres anos, eles conseguirán recoñecer o seu nome e as letras que o forman, serán capaces de escribilo sen necesidade de copialo da mostra e chegarán a coñecer os nomes doutros compañeiros da súa clase.

Proxecto "O noso corpo"

Na aula de 4 e 5 anos continúan co proxecto “O noso corpo”, investigando, aprendendo, xogando… Coas inestimables aportacións das familias, estes Pequerrech@s están coñecendo como somos por dentro e por fora da maneira máis divertida.

Máis información no blogue da Profe Belén.