Feliz aniversario Eder!!!

Na aula dos maiores houbo celebración, Eder xa ten cinco anos e quixo festexalo cos seus compañeiros.

Parabéns Eder!!!

É tempo de Nadal

Os Pequerrech@s xa temos todo preparado para recibir o Nadal. Mirade que bonito deixamos o cole.

  

E tamén esperamos sorprendervos coas nosas actuacións no festival de mañá.
Estades todos convidados. A partir das 11 e media comeza a festa!!!

Tedes toda a información no blogue da Biblio do Checho:
http://dinamizacioncarballeira.blogspot.com/2018/12/convite-ao-festival-de-nadal-2018.html 

O ratiño Pérez volve connosco

O curso pasado coñecemos ao ratiño Pérez e iniciámonos con el no mundo da robótica. 
Agora que xa dominamos o seu funcionamento damos un paso máis. Xa somos capaces de construír os nosos propios circuítos. 

E reflexionando, anticipando, ensaiando e comprobando conseguimos programalo sen axuda para que atope o seu queixiño.

Pam e Mina van de visita

Esta fin de semana Pam e Mina visitarán as casas de Fabián e David.

De certo que o pasarán estupendamente.

Despedímonos de Alejandra

Este venres despedímonos da profe Alejandra que estivo estas semanas acompañándonos nas nosas aulas. Foi xenial traballar con ela e para agradecerlle todo o que fixo por nós fixémoslle uns debuxos preciosos.

Boa sorte Alejandra, botarémosche de menos!!!

Certame de Postais de Nadal 2018

Hai uns días convidabamos as familias a participar no "Certame de Postais de Nadal" axudando aos nenos e nenas a elaborar unha tarxeta de felicitación. 

De entre as moitas presentadas acabamos de elixir a que será utilizada polo cole para felicitar a toda a comunidade educativa. 

E a gañadora foi a presentada por.... Alicia!!! 

Moitísimos parabéns Pequerrecha!!!!

As nosas mascotas van de visita

Esta fin de semana Pam, Mina e Turi visitan as casas de Alejandro, Brais e Anxo. Como son moitos días seguro que terán tempo de facer moitísimas cousas xuntos.
A  ver que nos contan á volta!

Mochilas viaxeiras: Fernando, Manuela e Dante

Continua a andaina das mochilas viaxeiras. Esta vez son Fernando, Manuela e Dante quen as levaron para as súas casas. Esperamos que o pasedes moi ben con elas.

Se queredes ver os estupendos debuxos que nos están achegando os nosos Pequerrech@s só tedes que premer na imaxe.

As nosas mascotas van de visita

Pam, Mina e Turi están de visita nas casas de Joel, Iker e Iago.

Seguro que o estarán pasando de marabilla!

Feliz aniversario Dante!!!

Esta semana na aula dos maiores houbo celebración. Dante xa ten cinco anos  e quixo celebralo con todos os compañeiros.

Parabéns Dante!!!

Pequerrech@s no MiniDiario!

No Diario de Pontevedra esta fin de semana, os Pequerrech@s da Carballeira fomos protagonistas do MiniDiario coa nosa visita ao Pazo de Lourizán.

Que content@s estamos!!!

Bambáns para tod@s!!!

Despois de case un ano, os Pequerrech@s temos o noso recuncho do patio arranxado.
Por fin podemos  desfrutar dos bambáns que tanto nos gustan!

 

Mochilas viaxeiras: Manuel, Thiago e Pablo

Mirade que felices están Manuel, Thiago e Pablo porque estes días van ter nas súas casas as mochilas viaxeiras.

E aquí tedes o noso Recuncho das Mochilas Viaxeiras.
Pouco a pouco vaise enchendo cos traballos que os Pequerrech@s fan dos seus contos favoritos. Artistas!!!
 

As nosas mascotas van de visita

Esta fin de semana Sergio, Lucía e Manuel convidaron a Pam, Mina e Turi a súas casas e o pasarán estupendamente. Sen dúbida!!!

Froitas de outono...que ricas!!!

Este venres, e para rematar o proxecto sobre O Outono, participamos nunha degustación de froitas de tempada: mazás, peras, caquis, kiwis, abelás, noces, améndoas, cacahuetes, laranxas, uvas... tiñamos de todo!

Mirar, ulir, tocar...

...e saborear. Que rico!!!

Tedes as fotos aquí.

Feliz aniversario Brais e Alejandro!!!

Esta semana na aula dos pequenos houbo celebración. Brais e Alejandro xa teñen tres anos  e quixeron celebralo con todos os compañeiros.

Brais trouxo un biscoito riquísimo que fixo co seu papá e Alejandro repartiu unhas lambetadas deliciosas.

Parabéns Brais!!!
Parabéns Alejandro!!!

As nosas mascotas van de visita

Esta fin de semana Pam, Mina e Turi están de visita nas casas de Brais, Evelio e Dante e o pasarán marabillosamente. Seguro!!!

Traballando con plastilina

Hoxe Uxío quixo facer o abecedario con plastilina.

Quedoulle xenial!!

Visitamos a Granxa de Montero Ríos

Esta semana os Pequerrech@s da Carballeira fomos visitar o Pazo de Lourizán, ou o que é o mesmo, a Granxa de Montero Ríos. 

Da man do noso monitor atopamos un paraíso forestal  cheo de historia no que puidemos apreciar o marabilloso colorido das follas no outono. 

Varias destas árbores aparecen no Catálogo de Árbores Senlleiras da Xunta de Galiza.  

Familias non perdades a oportunidade de gozar cos vosos Pequerrech@s deste lugar máxico, está moi pretiño de nós e pódese visitar de balde. 

 Tedes todas as fotos premendo aquí.

É tempo de Magosto

Este martes, no cole,  celebramos o Magosto.
Nas primeiras horas xa tiñamos todo preparado.

Logo,  a papar as castañas asadas e os bocatas de chourizo. Deliciosos!!!

E rematamos con xogos populares.

Que ben o pasamos!!!

Tedes todas as fotos premendo aquí.

Monicreques

Hoxe Thiago veu ao cole en compañía duns simpáticos monicreques. Con eles pasamos un intre super divertido.

Moitas grazas Thiago por compartilos connosco!

Mochilas viaxeiras: Fabián

A mochila viaxeira xa está na casa de Fabián.

 
Desfrutade da lectura en familia!!!

Mochilas viaxeiras: Iago e David

Hora de ler para Iago e David. As mochilas viaxeiras estarán estes días nas súas casas para compartir en familia bos momentos de lectura.

As nosas mascotas van de visita

Esta fin de semana as nosas mascotas Turi, Mina e Pam están de visita nas casas de Eder, Jose e Clara, coñecerán ás súas familias e o pasarán xenial. Sen dúbida!

 

IV Certame de Contos de Medo

Xa tedes no blogue da Biblio do Checho a recompilación dos traballos que fixeron os nosos Pequerrech@s co gaio do "IV Certame de Contos de Medo"

 

 http://dinamizacioncarballeira.blogspot.com/2018/11/aprestados-para-tremer.html

Manualidades de outono

Xa temos aquí as vosas primeiras manualidades de outono. Castañas, piñas, follas, landras, noces...todo vale para facer auténticas obras de arte. 

Cabazas robóticas polo Samaín!

Aquí tedes a impresionante colección de cabazas que os Pequerrech@s adobiaron para a exposición do corredor de Infantil.
As máis feitiñas e xeitosas do mundo mundial!

Moitas grazas familias!!!

Tedes todas as fotos premendo aquí.

Samaín por fin!!!

Que ben o pasamos na festa do Samaín!
Días atrás estivemos ambientando o cole.

E o mércores, todos enfeitados para a ocasión!

Á hora da merenda preparamos unhas viandas arrepiantes: apócema máxica de zume de laranxa, terroríficos vampiros de madalena e aterrecedoras arañas de galleta e regalicia.
Estaba todo delicioso!

E, para rematar esta fantástica xornada, a cantar e bailar!!!

Tedes todas as fotos premendo aquí

Feliz aniversario Evelio!

Esta semana Evelio está de aniversario. Cumple catro anos e trouxo unhas saborosas galletas que fixo na casa para agasallar aos seus compañeiros.

Parabéns Evelio!!!

As nosas mascotas van de visita

Esta fin de semana Pam, Mina e Turi visitaron as casas de Fernando, Sasha e Mauro, fixeron un montón de cousas xuntos e o pasaron de marabilla.