O último día do mes de febreiro celébrase o Día Mundial das Enfermidades
Raras.
O obxectivo deste día é crear conciencia sobre elas e
mellorar o acceso ao tratamento e á representación médica das persoas
con algunha enfermidade rara e os seus familiares. Os Pequerrech@s temos entre nós un compañeiro cunha destas raras enfermidades: a enfermidade de Perthes. Na contorna educativa podemos utilizar esta condición
para traballar diferentes conceptos como poden ser a solidariedade, o
compañeirismo, as enfermidades raras, a discapacidade, as limitacións, a
diversidade... porque ante unha dificultade ou unha limitación sempre
podemos atopar unha alternativa e sacar algo positivo.
Aos Pequerrech@s de tres anos encántanlles os experimentos. Esta semana realizaron un que lles
permitiu descubrir toda a maxia da auga ao mesturala con papel pinocho de diferentes cores.
Comezamos a semana máis divertida do curso. Seguindo as ordes de
Mariano, o noso esqueleto favorito, este luns todos viñemos cun atavío
na cabeza. Mirade que guapos!!
Os Pequerrech@s de 4 e 5 anos son uns entusiastas da Biblio do Checho. Este venres os maiores foron á biblioteca e volveron utilizar o servizo de préstamo de libros que con tanta ilusión esperaban para levar a casa un libro,
poder lelo en familia e logo facer un precioso debuxo da parte que máis
lles gustou.
E os Pequerrech@s de catro anos estrearon este curso ese servizo e
son xa usuarios da Biblio do Checho de pleno
dereito. Estaban todos entusiasmados cos seus carnés e felices de poder levar os libros para ler en casa como "os maiores".
E lembrade:
- Podedes levar un libro cada venres.
- Debedes devolvelo antes do seguinte venres para poder levar outro.
- Tedes que coidalo moito, moito para que non se estrague e outros nenos poidan seguir gozando del.
O día 24 de febreiro conmemoramos un ano máis o Día de Rosalía de Castro. No cole realizamos diversas actividades para homenaxear á escritora máis representativa da literatura galega.
Os compañeiros de primaria estiveron a traballar o poema " Pra Habana" recollido na obra "Cantares Galegos" E os pequerrechos participamos nun obradoiro de plástica no que utilizamos diferentes técnicas: pintado con témperas,
estampado con esponxa, picado, recortado, pegado... para realizar as
flores e bolboretas que necesitamos para decorar o mural que realizamos
entre todos no corredor principal do cole.
Este luns no cole recibimos unha visita sorpresa. Orbil, a mascota do Salón do Libro Infantil e Xuvenil de Pontevedra, veu saudarnos. Chocou as mans, repartiu apertas e tirouse unha morea de fotos con todos.
Que ben o pasamos!!! Deica logo Orbil. Vémonos no XX Salón do Libro!!!
As mochilas viaxieiras son unha oportunidade de compartir coa familia o pracer pola lectura. Estes días estarán nas casas de Xabi e de Lucía. Desfrutade delas!!!
Xa sabedes que o cole é un lugar esencial para adquirir hábitos saudables polo que tratamos de fomentar o consumo de froitas frescas e produtos lácteos. Todos os luns recomendamos traer un lácteo e os mércores unha peza de froita para a merenda.
Así que lembrade, o luns iogur e o mércores froita!!!
Basta con mirar ao noso redor e veremos como estamos rodeados de xeometría. Triángulos, cadrados, rombos... a xeometría está na nosa contorna.
O ensino da xeometría en Educación Infantil é fundamental para recoñecer
e representar formas e adquirir unha estruturación do espazo a través
do esquema
corporal do propio neno, axudando a adquirir as primeiras percepcións e a
formarse unha idea dos obxectos que conteñen o mundo no que viven e
atopan na súa vida cotiá.
Estes días estamos a traballar con escarvadentes e plastilina para facer figuras xeométricas.
Esta semana celebramos o aniversario de Fabián que xa ten catro anos. Para celebralo trouxo unha rosca riquísima e agasallou aos seus compañeiros cuns monicreques simpatiquísimos que fixo na súa casa con cartolinas. Moitas grazas!!!
Hoxe Sergio estaba así de feliz porque estes días vai ter na súa casa a mochila viaxeira e gozará de grandes momentos de lectura compartida en familia. Seguro!
Este mes de xaneiro as nosas mascotas estiveron de visita en casa de Louay, Máximo, Thiago, Manuel, Uxío, Natasha e Claudia. Pam, Mina e Turi coñeceron
ás súas familias, fixerón unha chea de cousas xuntos e divertíronse mogollón.
