24 de febreiro: Día de Rosalía de Castro

Os dous da terra lonxe
andamos e sufrimos ¡ai de min!
mais ti tan soio te recordas dela
i eu, dela e mais de ti.
Ambos errantes polo mundo andamos
i as nosas forzas acabando van;
mais ¡ai! ti nela atoparás descanso
i eu tan soio na morte o hei d'atopar.

 Follas Novas                                                                                                                

#ErrantesPoloMundo é o lema da Asociación de Escritoras e Escritores en Lingua Galega  para conmemorar o Día de Rosalía de Castro e os Pequerrech@s participamos cos compañeiros e compañeiras do cole elaborando un video que podedes ver no blogue da Biblio do Checho.

 http://dinamizacioncarballeira.blogspot.com/2020/02/errantespolomundordc20-dia-de-rosalia.html

Tamén participamos no VII Certame Fotográfico "Errantes polo mundo" no que as familias colaboraron achegando fotografias da migración dos seus familiares.

Moitas grazas a tod@s!!!

Mochilas viaxeiras

As Mochilas Viaxeiras seguen a súa andaina de casa en casa, de familia en familia. As últimas en gozar delas foron as de Kiara, Óscar, Manuela, David e Noa.

 

E o noso recuncho das Mochilas Viaxeiras segue medrando cos estupendos debuxos que os nosos Pequerrech@s fan dos seus contos favoritos.

As nosas mascotas van de visita

Desde que comezou o ano 2020, as nosas mascotas estiveron moi ocupadas visitando os fogares dos nosos Pequerrech@s.
Candi, Cora e Curtis coñeceron ás súas familias, fixeron un montón de cousas xuntos e divertíronse mogollón.

Adiviña que veu ao cole esta mañá!

Pequerrech@s da Carballeira: Orbil from Educación Infantil on Vimeo.


Pois si, o noso querido Orbil estivo de visita no cole para animarnos a participar no próximo Salón do Libro
Bailou, chocou as mans, repartiu apertas e tirouse unha morea de fotos con todos. Que ben o pasamos!!!

Deica logo, Orbil! Vémonos no XIX Salón do Libro Infantil e Xuvenil de Pontevedra!!! 

30 de xaneiro: Día Escolar da Non Violencia e a Paz

Como cada 30 de xaneiro e con motivo da conmemoración do falecemento de Gandhi, no cole celebramos o Día Escolar da Non Violencia e a Paz.

Os Pequerrech@s decoramos o noso corredor e colaboramos no mural do corredor principal.

Na biblioteca, os nenos de primeiro de primaria representaron para nós unha obra de teatro e tamén participamos no "Abecedario pola Paz" e cantamos con todo o cole a canción "Se buscan valientes" na xuntanza que fixemos no ximnasio.

Tedes as fotos premendo aquí.

E no blogue da Biblio do Checho tedes tamén máis información:
http://dinamizacioncarballeira.blogspot.com/2020/02/dia-da-paz-2020.html