O martes foi un día especial...celebramos o Samaín, e que mellor que cun Magosto.
O cole estaba cheo de bruxas, vampiros, esqueletos e mostros arrepiantes que non paraban de xogar, cantar, bailar e dar sustos terroríficos.
O "Contacontos de medo" da profe Begoña foi aterrecedor, pavoroso e divertidísimo.
Logo...a papar castañas asadas e bocadillos de chourizo á brasa. Que ricos!!!
E, para rematar, xogos populares cos que pasámonolo de medo.
Feliz Samagosto!!!
Tedes as fotos premendo aquí.
Que ben o pasamos preparando o Samaín!
Decorando as portas e os corredores...
Recitando poesías e adiviñas, preparando conxuros...
Decorando arrepiantes cabazas...
E bailando, cantando e contando terroríficos contos.
E para o martes nada mellor que celebralo cun... Samagosto!!!
Moitas grazas, familias, pola vosa colaboración.
Tedes as fotos premendo aquí.
Estas últimas fins de semana Lucía, Fabián, Artai, Evelio e Alejandro convidaron a Curtis, Candi e Cora a coñecer as súas familias.
Sabemos que as nosas mascotas o pasan estupendamente cos nosos Pequerrech@s porque fan unha chea de cousas xuntos e divírtense mogollón. Quen as levará de visita a próxima vez?
Esta semana celebramos no cole o Día das Bibliotecas, este ano baixo o lema "Biblioteca escolar, viveiro de cidadanía".
Se mostraron as liñas de actuación para este curso...
Presentamos as nosas bibliotecas de aula...
E entregáronnos as Mochilas Viaxeiras.
Alexandre, Claudia e David son os
primeiros dos Pequerrech@s que poderán entreterse con elas. Agardamos que desfrutedes desta oportunidade de
compartir en familia o pracer pola lectura. Non esquezades de botarlle
un ollo ao tríptico que as acompaña e de coidar moito o material que
conteñen.
Desfrutade con elas!!!
A realidade é que non todos os nenos son iguais. Hai nenos que aprenden sen dificultade a ler e escribir, moitos deles
inícianse mesmo altamente auto motivados e nestes casos non debe frearse
a súa motivación, ao contrario, é unha mostra de que o neno está motriz
e psicoloxicamente preparado.
Outros nenos ven con dificultade esta iniciación, mostrarán rexeitamento
ou desinterese e poñerán todo tipo de impedimentos no proceso de ensino e
aprendizaxe.
Darlles espazo aos nenos para aprender sen sentirse presionados é vital para un bo proceso de lectoescritura.
Nestas ligazóns atoparedes información sobre as etapas na adquisición da lectura e a escritura.
Etapas na adquisición da lectura
http://infantilcarballeira.blogspot.com/2016/11/etapas-na-adquisicion-da-lectura.html
Etapas na adquisición da escritura
http://infantilcarballeira.blogspot.com/2016/11/etapas-na-adquisicion-da-escritura.html
Este curso temos mascotas novas!
Curtis, Candi e Cora acompañarannos nas nosas aulas e poderemos seguir convidándoas unha fin de semana ás nosas casas para compartir xogos, experiencias, coñecer a todos os membros da familia, durmir ben xuntiños, gozar da comida favorita...
Candela, Jose, Matías, Naida e David foron os afortunados que as levaron estes días. Quen as levará a vindeira vez?
Volvemos de novo á Biblio do Checho.
Cantos libros!!! A profe Andrea mostrounos, de entre todos os que hai, cales son os adecuados para nós e lembrou as normas de funcionamento: falar baixiño, non facer barullo, tratar con coidado os libros, manter a biblio limpa e ordenada...
En nada xa empezaremos a levar libros para ler en casa con toda a familia!
