Moito maxín hai no Samaín!

Hoxe fixemos festa rachada. 
Cando chegamos pola mañá, esperábannos as cabazas coas velas acesas.

Logo tivemos obradoiro de maquillaxe. Mirade que terroríficamente guapos quedaron todos.  

E deseguido puxémonos a preparar unha estupenda merenda.
Os de tres anos encargáronse de facer unha apócema máxica:  zume de laranxas con gominolas de amoras arrepiantes, aínda que tamén caeron nos vasos algún que outro verme ou araña.

Os de catro e cinco anos dedicáronse a elaborar unhas apetitosas e pavorosas arañas de galleta e regalicia.

Estaba todo boísimo! 

Máis tarde fomos á Biblio do Checho para escoitar os contos dos compañeiros de primaria que gañaron o II Concurso de Contos de Medo.

E para rematar concedéronnos a todos un diploma por participar con alegría e  entusiasmo nas actividades do Samaín.

Foi unha mañá xenial e tedes todas as fotos aquí para poder comprobalo!!!

Que medo!!!

Xa temos todo preparado para a celebración de mañá.

 

Os corredores estan cheos de meigas e bruxos, casas encantadas, morcegos tremebundos e arañas espantosas, e sobre todo cabazas; cabazas arrepiantes, terroríficas, ocorrentes, graciosas, enxeñosas...

Unha vez máis,  os Pequerrech@s da Carballerira   demostraron que son uns magníficos artistas. Con un chisquiño de axuda por parte dos papás e mamás conseguiron que a nosa exposición de cabazas sexa a mellor do mundo mundial.

Moitas grazas ás familias pola súa implicación.
Podedes ver a todos os Pequerrech@ cadansúa cabaza premendo aquí.

Tedes todo preparado para A Noite dos Calacús?

Non vos esquezades de traer mañá vosa cabaza decorada que no cole xa temos preparado unha chea de cousas para celebrar como se merece o Samaín: exposicións, contacontos, obradoiros de maquillaxe, bailes, cancións e moito máis.

E para entrar en faena aquí deixámosvos o "Brinca Vai!": No Samaín, de Paco Nogueiras (Kalandraka)

Pam e Mina van de visita.

Esta fin de semana Pam coñecerá a casa de Eder e Mina tamén irá á de Hugo.

Seguro que o pasarán xenial!!!

Día das Bibliotecas Escolares

Hoxe, no cole, celebramos o Día das Bibliotecas Escolares.
Reunímonos todos na Biblio do Checho e alí presentáronse as bibliotecas de aula, o Proxecto Documental Integrado "Alimentación saudable" que seguiremos desenvolvendo este curso, e as "Mochilas viaxeiras" que con tanta ilusión estabamos a esperar.

Os primeiros dos Pequerrech@s que poderán entreterse con elas son Xabi e Iris.

Agardamos que desfrutedes desta oportunidade de compartir coas vosas familias o pracer da lectura e non vos esquezades de botarlle un ollo ao tríptico que as acompaña e de coidar moito os materiais que conteñen.

"A Biblio Bonita"

Os nenos de 4 e 5 anos inauguraron biblioteca na súa nova aula.
Decidiron chamala "A Biblio bonita" porque ten libros moi divertidos e bonitos, cos que se aprenden moitas cousas,

as gabetas onde se gardan están decoradas con pegatinas e todos os libros están moi ben ordenados, 

e hai unha alfombra de cores onde sentar a ler comodamente.  

Todos os días poden desfrutar deste recuncho tan especial, coller un libro e "lelo", contarllo aos compañeiros, descubrir cousas novas e interpretalas á súa maneira, e deixar voar a súa imaxinación...

Outubro: mes da biblioteca escolar

O cuarto luns do mes de outubro celébrase do Día Internacional da Biblioteca Escolar e en Educación Infantil xa temos preparadas as nosas bibliotecas de aula.

O nenos da aula de tres anos están encantados co seu "Recuncho dos Piratas", a súa pequena bliblioteca chea de historias engaiolantes coas que pasar momentos superdivertidos. 
Mirade que cariñas de ledicia ante tantos contos marabillosos.

Estreamos o préstamo de libros da Biblio do Checho!

Hoxe os maiores foron á biblioteca e, por fin,  estrearon o servizo de préstamo de libros que con tanta ilusión esperaban. 
Co seu novo carné de usuarios nunha man e o libro elixido na outra, agardaron moi formais a que lles chegase a quenda de formalizar o préstamo.

Logo metérono na mochila "Hora de ler" para levalo a casa sen maltratalo e poder disfrutar nos seus fogares dun momento compartido de lectura con toda a familia.







E lembrade:
Podedes levar un libro cada mércores.
Debedes devolvelo antes do seguinte mércores para poder levar outro.
Tedes que coidalo moito, moito para que non se estrague e outros nenos poidan seguir gozando del.