Celebramos as Letras Galegas 2016

O pasado venres, todos os alumnos do cole reunímonos  para celebrar o Día das Letras Galegas. 
Visualizamos un video da biografía de Manuel María, o autor homenaxeado, lemos fragmentos da súa obra, recitamos algúns dos seus poemas e tamén cantamos.
Nós, @s Pequerrech@s, participamos cantando "A roda, roda" un dos seus poemas do libro "Os soños na gaiola".

Despois entregáronse os premios do III Certame Fotográfico. O tema era  "A  alimentación" e Mateo, Julé, Bea, Athenea e Hugo G.L. recibiron un diploma pola súa participación. 

Podedes ver aquí as súas simpáticas fotos, cheas de imaxinación e orixinalidade.
Parabéns a tod@s el@s e as súas familias pola  súa colaboración.

 

E así rematamos as actividades do 17 de maio, esta data tan importante para a nosa lingua e a nosa cultura.

Letras Galegas en maio... e todo o ano.