Cóntame un conto!: A casa da mosca chosca

Rematamos os contacontos desta Semana do Libro con Patricia, a nai de Manuel. "A casa da mosca chosca" foi o conto que nos trouxo.

 
Farta de zoar dun lugar a outro, a mosca chosca decidiu facer unha casa e convidar os animais do bosque. Fixo un pastel de amoras, colocou sete banquetas e sete pratos na mesa. E, co arredendo da torta, foron aparecendo, do máis pequerrecho ao máis grande, sete estraños personaxes. Xa non cabe ninguén máis… pero alguén peta na porta.

 A casa da mosca chosca é un conto popular ruso e un estupendo álbum para traballar os números cardinais e ordinais, os tamaños, as rimas...

  

Durante toda a semana Óscar, Noelia, Juan José, Sergio e Patricia mergulláronse cos Pequerrech@s no marabilloso mundo da lectura e compartiron historias cheas de imaxinación, aventura, diversión... fortalecendo o vículo entre as familias e a escola. Moitísimas grazas a tod@s!!!

Podedes ver as fotos premendo aquí.

Pam e Turi van de visita.

Esta fin de semana Pam visitará a casa de Breixo e Turi estará na de Iris, farán un montón de cousas xuntos e o pasarán xenial. Seguro!

Mochilas viaxeiras: Eder

A Mochila Viaxeira xa está na casa de Eder.

Esperamos  que os divirtades moito con ela.

Un cabaliño de mar!

Onte Joel sorprendeunos cun cabaliño de mar. O mundo submarino está cheo de animais extraordinarios!

 

Cóntame un conto!: El viaje de los pingüinos

Este xoves Sergio, o pai de Iris, veu contar "El viaje de los pingüinos".

 A Terra quéntase e o polo comeza a derretirse. Un grupo de oitenta e catro pingüíns decide ir vivir a outra parte: primeiro van ao mar, pero está contaminado; logo buscan as verdes praderías, pero alí só hai fábricas; máis tarde deciden ir ao bosque, pero esta deforestado... 

"A viaxe dos pingüíns" é un albúm que nos fala dos perigos que ameazan a Terra na que vivimos se a tratamos mal e contaminámola sen control, así que entre todos debemos coidar o noso planeta, que é o noso fogar.

Moitas grazas Sergio!

Podedes ver as fotos premendo aquí.

Cóntame un conto!: Hay un tigre en el jardín

Este mércores foi Juan José, o papá de Breixo, o noso contacontos cunha historia máxica: "Hay un tigre en el jardín".

Nora atópase aburrida en casa da súa avoa. Esta, ao decatarse, fálalle dun tigre que vive no seu xardín e pregúntalle se o viu. Aínda que no xardín suceden cousas moi estrañas, Nora está absolutamente segura de que non hai ningún tigre aí, por moito que diga a súa avoa. Todo o mundo sabe que os tigres viven na xungla, non nos xardíns...Verdade?

"Hay un tigre en el jardín" é un conto bellísimamente ilustrado sobre a diversión, o sentido do humor e o gran poder da imaxinación. 

Moitas grazas Juan José!

Podedes ver máis fotos premendo aquí.

Unha visita moi especial

Esta mañá Iris tróuxonos unha visita moi especial. Uns caranguexos que atopou a súa avoa na praia e antes de devolvelos ao seu habitat quixo ensinalos na clase.

Curiosos como somos, aproveitamos para investigar sobre os caranguexos e coñecer unha chea de cousas sobre eles.

Algo que nos chamou moitísimo a atención é como cambian o caparazón. Mirade que interesante

Foi unha visita xenial! 

Podedes ver máis fotos premendo aquí.

Cóntame un conto!: Elmer

Este martes Noelia, a nai de Mauro, foi a encargada de achegarnos un clásico imprescindíbel da literatura infantil, "Elmer".

Elmer non é como os outros elefantes da súa manda . Elmer é un elefante multicolor. Pero a Elmer non lle fai nin chisco de graza ser así, máis ben está farto de ser distinto, así que un día decide escaparse da manda e buscar un remedio para poder ter a mesma cor de pel que os demais...

Elmer é unha historia magnífica para traballar o respecto polas diferenzas e a diversidade. Todos somos distintos, todos somos iguais.

E despois de contarnos o conto, Noelia tíñanos preparada unha sorpresa. Trouxonos un crebacabezas para xogar a formar a figura de Elmer e unhas siluetas de elefante para que cada un puidese colorearla ao seu gusto e logo poñerlle un matasuegras coma se fose a trompa.

Foi divertidísimo!

E para rematar, agasallounos coa figura de Elmer.
Moitas grazas Noelia!

Podedes ver todas as fotos premendo aquí.

Cóntame un conto!: La vocecita

Continuamos coas actividades programadas para o Día do Libro e esta semana contamos coa colaboración das familias para realizar unha das favoritas d@s Pequerrech@s.
Hoxe Óscar, o pai de Adrián, veu contar  "La vocecita".

Perico quere facer caca. Escóndese detrás dunha árbore, pero descobre que non hai papel para limparse. Ve un calzón vello e furado colgado dunha póla, úsao e tírao. De súpeto unha voceciña que se presenta como a súa conciencia rífalle e ordénalle que lave esa porcallada. 

"La vocecita" é unha divertida historia non só polo seu comezo escatológico senón polo seu sorprendente final, que aproveita para ensinar aos nenos normas de hixiene, o respecto cara aos demais e as súas pertenzas, así como poder emendar os erros cometidos.

  
Moitas grazas Óscar!

Podedes ver as fotos premendo aquí.

Mochilas viaxeiras: Adrián

A mochila viaxeira xa está na casa de Adrián.  Esperamos que o pasedes moi ben con ela.

Pam e Mina van de visita

Esta fin de semana Pam visitará a casa de Xabi e Mina estará na de Hugo. 

Seguro que o pasarán estupendamente!

Feliz aniversario Hugo!!!

Hoxe festexamos o aniversario de Hugo, que xa ten cinco anos e quixo celebralo con todos nós repartindo unhas lambetadas deliciosas.

Parabéns Hugo!!!

23 de abril: Día do Libro

Este venres no cole celebramos o Día Internacional do Libro.
Xuntámonos todos na Biblio do Checho onde lembramos o motivo desta conmemoración, o falecemento dos escritores Miguel de Cervantes, William Shakespeare e o Inca Garcilaso de la Vega na mesma data no ano 1616.

O alumnado de terceiro de primaria fixo unha lembranza  de Miguel de Cervantes e da súa obra o Quixote.

Tamén miramos un vídeo moi interesante sobre o Día do Libro.

E o alumnado de 5º e 6º realizou un kamishibai cun fermoso conto tradicional coreano, "A bolsa dos contos".

Foi unha xornada moi especial!
Moi feliz Día do Libro!!!

Atopa as parellas!

Xogamos coas TICs. Axudade a Pam, Mina e Turi a atopar as parellas.

IV Certame fotográfico "Alimentación saudable"

Lembrámosvos que xa está convocado o IV Certame Fotográfico "Alimentación saudable"

Tedes de prazo para participar ata o 12 de maio. Agardamos as vosas fotos!

Tedes máis información no blog da Biblio do Checho:

http://dinamizacioncarballeira.blogspot.com.es/2017/04/iv-certame-fotografico.html

Estamos de aniversario!!!

O 8 de abril do curso pasado nacía este blogue,  Pequerrech@s da Carballeira. 

Cento corenta e cinco publicacións e miles de visitas despois, coidamos que foi un acerto abrir esta xanela ao mundo para compartir o que sucede nas nosas aulas de Educación Infantil.

Pequerrech@s da Carballeira: Blog from Educación Infantil on Vimeo.

Queremos agradecer a toda a comunidade educativa o seu apoio, en especial a ANPA polo seu inestimábel labor de difusión. Moitas grazas!!!

We speak English

Hoxe traémosvos unha clase práctica de anatomía por parte dos Pequerrech@s de tres anos, e todo en perfecto inglés!!!


 
Pequerrech@s da Carballeira: English from Educación Infantil on Vimeo.

Unha visita moi mariñeira

Onte rematamos as actividades da campaña "O sabor da aventura está no mar" cunha visita ao porto, á lonxa e á praza de abastos de Bueu.
Xunto cos compañerios de 1º e 2º de primaria, @s Pequerrech@s fomos ata a vila de Bueu. No porto esperábannos os nosos monitores que nos dividiron en dous grupos, infantil dunha banda e primaria de outra, para facer a visita máis doada.

No edificio da lonxa comprobamos o que fan cos peixes e mariscos desde que os descargan dos barcos ata que os levan ás pescaderías: pesar, etiquetar, clasificar, poxar...

Tamén nos ensinaron as cámaras de frío e como pican o xeo para conservar o peixe.

De seguida, no porto, mostráronnos os diferentes tipos de embarcacións e as artes de pesca e fixemos uns xogos moi divertidos, uns eramos redes e outros os peixes que caían nelas.

 Continuamos ata a praza de abastos  onde atopamos moitas especies de peixes e mariscos dos que os praceiros e praceiras nos falaron e mostraron moi amablemente. Ata a dona dunha carnicería agasallounos cunhas gominolas!

 Máis tarde chegou á hora da merenda mariñeira. Cunhas albóndegas de pescada fixemos uns polbiños ben xeitosos. Logo tomamos unhas variñas máxicas de atún e de sobremesa iogur de vainilla. 

E para rematar os monitores tíñannos preparada unha sorpresa. Rifaron unha camiseta por cada curso e agasallaronnos a todos cunha gorra chulísima, adhesivos da cuadrilla dos arroaces e os comics das súas aventuras, e un diploma pola nosa participación no programa "O sabor da aventura está no mar"

Podedes ver máis fotos premendo aquí.